Nýsköpun, vöruþróun, framúrskarandi þjónusta og búnaður
Frá og með 25 Apríl 2023 munu RAF og KAPP sameina krafta sýna. Engar breytingar verður á starfsmannahaldi RAF eða þeirri þjónustu og búnaði sem RAF hefur boðið viðskiptavinum sínum.
„Með KAPP munu auknir kraftar losna úr læðingi þar sem mikill mannauður og reynsla sameinast í þessum tveimur fyrirtækjum,“ Valþór Hermannson tæknistjóri hjá RAF ehf og fyrrum eigandi.
„Eftir 12 ára eignarhald okkar í RAF og góðan rekstur síðustu ára teljum við að núna sé réttur tímapunktur til að selja félagið. Við höfum átt mjög gott samstarf við stjórnendur KAPP á undanförnum árum og samtöl undanfarna mánuði leiddu til að gengið var frá sölu félagsins og erum fullviss um að KAPP sé rétti aðilinn til að taka við keflinu núna,” Hjalti Halldórsson fyrrum eigandi RAF.
„Ég met það svo að sú mikla þekking og reynsla starfsfólks RAF sem og sá vélbúnaður sem fyrirtækið framleiðir muni styrkja KAPP til frekari sóknar í íslenskum sjávarútvegi og fiskeldi,“ Freyr Friðriksson eigandi KAPP.
Raf var stofnað 1980 og var upphaflega staðsett á Akureyri en fluttist alfarið til Hafnarfjarðar 2016. Frá árinu 2020 hefur Raf verið með útibú í Grundarfirði. Frá upphafi hefur Raf haft það að leiðarljósi að bjóða fram heildarlausnir og hafa þjónustuna í fyrirrúmi.
Raf er tæknifyrirtæki sem sérhæfir sig í vélasmíði, innflutningi og þjónustu á tækjabúnaði fyrir fiskiðnað, fiskeldi og annan iðnað.
