Sprautuvél

Sprautuvél Raf-S900

Sprautuvél Raf - S900 er vél sem hefur sérstaklega verið hönnuð til sprautunnar á fiskafurðum með það að markmiði að hámarka nýtingu og gæði afurðarinnar. Þessum markmiðum er náð fram með nýjustu tækni sem geri notandanum kleift að stjórna vélinni á nákvæman og skilvirkan hátt.

KOSTIR SPRAUTUVÉLAR

• Hámarks nákvæmni á sprautuþrýstingi og jafn þrýstingur á hverja nál, sem skilar betri afurð og aukinni nýtni
• Uppskriftakerfi á vinnsluaðferðum sem heldur utan um stillingar á vélinni sem tryggir hámarks nýtingu í hverjum afurðaflokki
• Tvísprautun möguleg
• Hæðarskynjarar minnka óþarfa sprautun
• 1232 grannar nálar sem sprauta þétt í afurðina sem skilar jafnari þyngingu og betra útliti eftir sprautun
• Vélin er auðveld og þægileg í þrifum
• Skilvirkur og notendavænn stjórnbúnaður sem fer fram á litasnertiskjá vélar
• Skráningarkerfi fyrir vinnslu sprautuvélar
• Íslenskt stýrikerfi
• Fjartenging við stýribúnað vélar, fjarþjónusta, opnar möguleika á að fylgjast með vinnslu hvar sem er

Nálarhaus fyrir flök

Nálarhaus fyrir flattan fisk

Sprautuvél frá Raf getur bæði sprautað flök og flattan fisk. En fer það eftir hvaða nálarhaus er valinn. Hægt er að fá nálarhaus þar sem nálarnar sitja fastar og er notaður fyrir flök. Nálarhaus fyrir flattan fisk gefur nálum frelsi til að liftast upp ef þær rekast í bein. Hver nál hefur gorm sem þrýstir nálinni niður. 

Blöndunarkassi

Sprautuvélin kallar á nýja blöndu þegar blanda í síu er undir lámarki. Lokar á blöndunarkassa ásamt hæðanema stjórna magni af vatni, pækli og íblöndunarefni samkvæmt uppskrift. Ef blöndunarkerfið er tengt við RAF-IBL skömmtunarstöðina er hægt að stjórna öllum aukefnunum og blanda þeim í pækilblönduna með sprautuvélinni. Kerfið skráir það sem blandað hefur verið yfir daginn og birtir það á litasnertiskjá. Með því að nota RAF-SPGraf skráningarkerfið er hægt að geyma þessi gögn í gagnagrunni.

Blöndun í kör

Þegar kar er sett í blöndunarstæði fer kerfið sjálfvirkt í gang og blandar þá pækilblöndu sem valin var. Blöndunarkerfi kara stjórnar einnig því afurðamagni sem sett er í karið með fiskskömmtunarbandi og stuðlar því að betri nýtingu

Blöndunarkerfi fyrir pækilblöndun, íblöndunarefni og lágfræðiefni

Pækilblöndunarkerfi Raf-BL3 er selt sem hluti af Raf-S900 sprautuvélarkerfinu eða sem sjálfstæð eining.  Búnaðurinn sér um að blanda pækilblöndu í tvö kör fyrir aftan sprautuvél og fyrir sprautuvélina sjálfa með mikilli nákvæmni, eða um +0,15 °B. Stjórn kerfisins fer fram á snertiskjá þar sem uppskriftakerfi heldur utan um pækilblöndu og sprautuvéla. Möguleiki er á skráningu lykilupplýsinga blöndunarkerfisins í skráningarkerfi Raf-SpGraf.

Skjáskot frá skráningarkerfi

SpGraf er viðbót sem heldur utan um og skráir lykilupplýsingar úr Raf-S900 sprautuvél og Raf-BL blöndunarkerfi. Hægt er að setja aflestrarforrit gagnagrunns upp á eins margar tölvur og þörf er á hjá notanda.

DÆMI UM SKRÁNINGAR

• Hitastig pækils sem sprautað er með
• Pækilblöndunaruppskriftir
• Skráning á notkun allra efna í blöndun sprautuvélar
• Blandaður karafjöldi
• Notendaskráning
• Vigtarskráningar vigtarkerfis
• Þyngdaraukningaprufur